Blog Siswa

Pantun Sunda

ADITIA JORDI PUTRA | 10-12-2012 00:00:00

PANTUN SUNDA

RAJAH DEMUNG KALANGAN

Bul kukus ngaraning kukus

Tanpa leungit ngaraning parupuyan

Ratna gumilang ngaraning menyan

Kukus kuring menyan putih

Kang ngelun di manggung

Ka sang rumuhun

Ka guru putra hyang bayu

Guriang tan katinggalan

Nu lungguh di lingga wulung

Nu herang di lingga omas

Nu calik dina lemah putih

Putih uing jeung tarima

Uing ngijeum ka sadang kasaktian

Keur naon eta di wajeum

Da herang ti jero raga

Nu putih tunggaling uing

Nya uing nu tunggal putih

Bul kukus uing

Ka handap ka sang nugrahan

Ka basuka ka basuki

Ka batara ka batari

Ka batra naga raja

Ka batari naga danti

Pangmeuntaskeun uing ka sang minorarama

Ka teluk ka nu ngasuh

Mangka datang ka nu wenang

Ngenta widi ka nu sakti

Mun salah uing benerkeun

Mun bener, benerkeun uing

Asuhan si windu rarang

Tata pangkat disalinna iring-iring

Bukit jati gunung rompang

Tanah lentang

Susukan tanjakan banjaran kembang

Nujang ka bukit burangrang

Nyanghulu ka gunung guruh

Menta pangkat disalindangkeun sang rawangi

Rawangi huriping peuting

Tilu pangkat ngajarangkung

Ngapung luhur tanpa buana

Aci bumi aci buana

Citumang balampak

Sanjia semah ngendan maya

Rek ka manggung net nempo panggih kedjo anaking

Manik ti luhur teu kenging kaluluhuran

Teu kenging ka lelengkahan

Awaking nu seda sakti

Awaking nu seda leuwih

Dungkuk uing dungkuk sang juga

Sang juga sang ratjil seda

Nya siangna nya nun maya

Rek ka manggung

Hurung batan kanjut ruyung

Mangereng batan sang ragi

Sakotji batan kembang patjing

Ti pakuan rek ngagarti Siliwangi

Nya Pakuan Siliwangi

Ti lembang jaya

Kotjap

Cihaliwung nunjang ngidul

Cisandane nunjang ngaler

Nunjang ka bukit Burangrang

Ngahulu ka gunung Guruh

Cipeucang ka tebeh wetan

Di tengah Cirancamaya

Pamuruyan gajah putih

Kiruh ti hilir ti girang

Ti tengah canembang herang

Gunung manik mandala tiga ka pasten

Eusina dewata dua belas

Sarina sagala

Keur meujeuhna ngukus muja

Nya kudu make parawanten

Make dicokotan deui

Di tibakeun ka reka teh ka dunya

Dalem tanpa ngareka teh dunia

Sora ratu nu lelembut

Lembut batan merang buuk

Badag batan merang kaca

Nu lembut geus sora ratu

Sup asup kana parungpung bilik

Di damaran tengah poe

Diparande teu kadeuleu

Sang pobaera buana

Ti manggung sep paselep jeug nu aya di manggung

Neuteuk beuheung rawana

Ngaheulakeun

Megatkeun

Ngapus sumeneng

Megat jalan kumarintang

Bisina mada madawi

Da uing mah mada madawi teh

Tes manetes lesmaya lenggang kacana

Uing nu nantung ti nguwung-nguwung

Sidengdang ti ngawang-ngawang

Dianggaran sumangga wenang

Nya uing si angggawenang

Ratu pagjalang seda

Nya uing sasaji buana panca tengah

Basa nyukruk Cihaliwung

Basa mengkong Cisandane

Nga babakan di Jambu Dipa

Nga duduluh di Jambu luwut

Sang Batara susuk tunggal

Neda agung nya paralun

Neda panjang pangampura

Ka sang ratu teja gelangan

Tata pangkat di salin deui

Ahung buta kasundulan

Ahung buta kasunian

Hol bumi hol langit

Hol manusa hol setan

Manusa lawas setan lawas

Pada sirna tamat

Mangka min biribis

U;ah sindang barang geusan

Tata pangkat di salin deui

Ahung gurit liman putih lalakina

Ahung sang seda malela

Ahung sang seda tunggal

Sang tunggal rajah pamunah

Sang punah sang darmajati

Tanah lemah tepu bumi

Tepu kana dat nu mustakdin

Na ilang tana karana

Mulya ka rakarana

Ilang bajane

Tata pangkat di salira deui

Ahung Guru kukuk Hyang Bayu

Sang pamunahing rajah Hyang Museda

Pangmunahkeun uing ieu

Hyang wisesa ti wisesa

Uing dat wisesa buana

Ka punah ku para wisesa

Ratu wisesa

Uing wisesa di buana panca tengah

Langit munah bumi munah

Ka punah ka para wisesa

Ka wisesa ku awaking

Sumur munah ratu

Ngabalungbung ratu tanpa puhun

Tata pangkat di salin deui

Hurip nu ngarajah

Mangka hurip nu dirajah

Hurip nu ngalalakonkeun

Hurip nu dilalakonkeun

Hurip jadi buana

Hurip jadi kurungan

Asup sukmabalik ka kurunganana

Hurip jadi buana

Hurip jadi kurungan

Pantun ngadangulus

Rajana waras

Marteda kanu kawasa

Sadaya pun sapun

Ka luhur ka sang rumuhun

Ka guru putra Hyang Bayu

Ka Batara ka Batari

Ka Batara Naga Raja

Ka Batari naga sugih

Punika raja pamunah

Paranti munah sagala

Munah tanah katut imah

Munah lan katut babi

Munah cai katut leuwi

Munah raga katut banda

Kulapun nya paralun

Neda panjang pangampura

Tata pangkat di salin deui

Kun paya kun

Baku awak pada nu usik nyaring kanu asih

neut hudang taneuh rarang

da halal pangaitkeun uing kana kacapi

mangkana tanghi ti peuting

mangkana hudang ti beurang

mangkana cukup pamilih

mangka hudang kanu ka tarima

mangka datang kanu nguping

ear batan ku leungitan poleng

kaleungita tamba balik

sora tali jeung kacapi nya awaking

agung kula nya paralun

neda panjang pangampura

hampura sapapanjangna.

Pantun Lutung Kasarung

(I)

Bul kukus kula menyan putih,

nu ngukus Lutung Kasarung,

ngukusan Lutung Kasarung,

ngukusan Nyi Danghyang,

lagobang tanya akang agus,

geura hudang bisi kaberangan taram bilik,

bisi lukeungu wiluku arit antik dina tanjamna,

bulan satanggal pajekna panyeuceup ati,

cacadan si Maskumambang pasangan bebengkul Nabi,

Muhammad sawedna kepang,

gumelang tamparna keunteungan di ati,

kendali siruyung rayang,

papakean sibujang dibawa karindeut-rindeut,

capit gunting tajamparing,

sarimpit ti ranjang leutik,

titinggalning ronowangantua,

eusina minyak boboreh,

lagobang lojor dihulueun,

lagobang pendek ditunjangeun,

ditulung teu majar aduh, dikali teu majar nyeri,

indung Siti Badariyah,

boga Allah Rasulullah,

Hiji salam dua salam tilu salam salamet.

(II)

Bul kukus kula menyan putih,

nu ngukus Lutung Kasarung,

ngukusan Nyi Danghyang Kusnawati,

seureuh putih parbuhiyang,

Nyi rendeh kasih geura hudang ti gedong talaga manik,

geusan sia midang, midangkeun papan jati,

midangkeun rambut sadana,

nyatu sari mangan rasa,

tilu pulukan mangan pangawasa,

1 salam 2 salam 3 salam salamet.

(III)

Bul kukus kula menyan putih,

nu ngukus Lutung Kasarung,

ngukusan Nyi Danghyang Kusnawati,

ari mang kutimang, timang oke timang akung,

ditimang-timang ku indung, salin poe langarua,

salin bulan langarua, mangka hejokawas dang,

marerekah alabatan tangkal seureuh,

ngaranggunuk alabatan gunung bungur,

mararakah alabatan pangsor,

sor bongsor-sor bongsor,

beuting manik akar kawat,

barungbung sinaga wulung,

Muhammad nu jonggang pangayumankeun,

ayun pontang ayun ambing, diayun-ayun kuangin,

diparande kumata poe,

dipandian ku cai ibun,

handap jangkung ditenjo sarua bae,

mangka sesek mangka pasak,

pare kula sihurip kami hirup,

hiji salam dua salam tilu salam salamet.

BLOG ADITIA JORDI PUTRA LAINNYA

Pantun Sunda

PANTUN SUNDA RAJAH DEMUNG KALANGAN Bul kukus ngaraning kukus Tanpa leungit ngaraning parupuyan Ratna gumilang ngaraning menyan Kukus kuring menyan putih Kang ngelun di manggung Ka sang rumuhun Ka guru putra hyang bayu Guriang tan kating...

ADITIA JORDI PUTRA 00:00:00 10-12-2012

Blog Siswa

Pantun Sunda

BLOG ADITIA JORDI PUTRA LAINNYA

Pantun Sunda

ARSIP

PENULIS

SMP NEGERI 7 BOGOR

Sambutan Kepala Sekolah